Егер тауар осы Хаттамада белгіленген шыққан жері өлшемдеріне сәйкес келсе, сондай-ақ егер: 1.1. Тауар Уағдаласушы тараптар мемлекеттерінің бірінің резиденті мен Уағдаласушы тарап мемлекетінің резиденті арасында жасалған шарт (келісімшарт) негізінде әкетілсе (әкелінсе). 1.2. Әкелетін елдің кеден органдарына осы Хаттаманың 12-бабында келтірілген толтыруға (ресімдеуге) қойылатын талаптарға сәйкес толтырылған (ресімделген) СТ-2 нысанындағы тауардың шыққан жері туралы сертификат (сертификаттың бланкісі осы Хаттаманың ажырамас бөлігі болып табылатын 1 және 2-қосымшаларда келтірілген) ұсынылса. 1.3. Тауарларды тура жеткізу шарттары сақталса. 1.4. Уағдаласушы тараптың мемлекеті осы Хаттаманың 11-бабында көзделген әкімшілік ынтымақтастық жөніндегі талаптарды сақтаса, тауар Уағдаласушы тараптардың кеден аумақтарында еркін сауда режимін пайдаланады. 2. Тура жеткізуге, сондай-ақ тауарлар транзит мемлекетінде, оның ішінде оларды осы мемлекеттің аумағында уақытша қоймаға қою кезінде кедендік бақылауда болу шартымен географиялық, көліктік, техникалық немесе экономикалық себептердің салдарынан бір немесе бірнеше мемлекеттің аумағы арқылы тасымалданатын тауарлар да жауап береді. Тауарлардың кедендік бақылауда болуын құжаттамалық растау ретінде экспорттайтын мемлекеттен транзит мемлекеті арқылы өту бағытын куәландыратын көліктік құжаттар немесе тауарлардың нақты сипатын беретін, тауарларды тиеу (түсіру) күнін, көлік құралдарының атауын көрсететін және тауарлардың транзит мемлекетінде болу шарттарын куәландыратын транзит мемлекетінің кеден органдары берген құжат пайдаланылуы мүмкін. Егер мынадай шарттар орындалатын болса: 2.1. Тауарлар Уағдаласушы тараптар мемлекеттерінің бірінің аумағынан көрме немесе жәрмеңке өткізуді ұйымдастырушы болып табылатын, Уағдаласушы тарап емес басқа мемлекеттің аумағына жеткізілгенде және олардың өткізілуі кезінде кедендік бақылауда болғанда; 2.2. Тауарлар көрмеге немесе жәрмеңкеге жөнелтілген сәттен бастап көрсетуден басқа қандай да бір өзге мақсаттарға пайдаланылмағанда; 2.3. Табиғи тозу не тасымалдаудың және сақтаудың қалыпты жағдайлары кезінде тауарлардың жай-күйіндегі өзгерістерді ескермегенде, тауарлар көрме немесе жәрмеңкені ұйымдастырушы болып табылатын Уағдаласушы тарап емес басқа мемлекеттің аумағына жөнелтілген кездегі жай-күйінде Уағдаласушы тарап мемлекетінің аумағына әкелінгенде тура жеткізуге импорттаушы көрмелерде немесе жәрмеңкелерде сатып алған тауарларға да жауап береді. 3. Шыққан жері белгіленбеген немесе шыққан жері белгіленген, бірақ бұл ретте оларға қатысты еркін сауда режимі қолданылмайтын тауарлар әкелу еліне осы Уағдаласушы тарап мемлекетінің тарифтік және тарифтік емес реттеу талаптарына сәйкес әкелінеді. 4. Осы баптың 3-тармағында көрсетілген тауарларға қатысты әкелу елінде кеден декларациясын тіркеген күннен бастап 12 ай өткенге дейін олардың шыққан жері туралы тиісті куәлікті алу (СТ-2 нысанындағы сертификатты беру және қажет болған жағдайда тауардың шыққан жерін растайтын басқа да құжаттар) шартымен Уағдаласушы тараптар мемлекеттерінің кеден аумақтарында еркін сауда режимі қолданылуы (қалпына келтірілуі) мүмкін (СТ-2 нысанындағы сертификатты фальсификациялау жағдайларын белгілеуден басқа).