Тармақ 1. Тарап осы Шарттың ажырамас бөлігі болып табылатын 1-қосымшада көзделген жағдайларды қоспағанда, басқа Тараптың кеден аумағына арналған тауардың экспортына және/немесе басқа Тараптың кеден аумағынан шығатын тауардың импортына қатысты кедендік баждар мен кедендік баждарға барабар өзге де төлемдерді қолданбайды.
Тармақ 2. Тараптар осы Шарттың 1-қосымшасында көрсетілген тауарларға қатысты өзара сауда барысында кедендік баждар мөлшерлемелерінің деңгейін көтермейді.
Тармақ 3. Егер осы Шарттың 1-қосымшасына сәйкес экспорттық бажды қолданатын Тарап үшінші елге қатысты оны алып тастаса немесе оның деңгейін төмендететін болса, онда аталған өзгеріс Тараптарға қатысты қолданылады. Осы қағида осы Шарттың 18-бабының ережелері үшін залалсыз қолданылады.
Тармақ 4. Егер осы Шартта өзгеше көзделмесе, кедендік баждар Тараптар мен үшінші елдер арасында кемсітушіліктің өсуіне алып келетіндей түрде қолданылмайды.
Тармақ 5. Егер осы Шарттың 1-қосымшасында көрсетілген тауарларға қатысты, тауардың кедендік құнын қоспағанда, экономикалық, статистикалық немесе өзге де көрсеткіштердің өзгеруіне байланысты баж мөлшерлемелерін өзгерту тетігі көзделсе, онда Тараптар мұндай тетікті тарифтік қорғау деңгейінің арттырылуына алып келетіндей түрде өзгертпейді.
Тармақ 6. Осы Шартқа қосылған мемлекет басқа Тараптың кеден аумағында шығарылатын және басқа Тараптың кеден аумағына арналған тауардың экспорты немесе импортына қатысты осы Шарт күшіне енген күні қолданылатын баждарды белгілеу тәртібінен өзгеше туындамайтын болса, бұл осы Шарт күшіне енген күні қосылған мемлекет қолданғанмен басқа Тараптарға қатысты салыстырғанда кедендік баждың көбеюіне алып келетіндей кедендік баждарды қолданбайды.
Тармақ 7. Осы бапта еш нәрсе кез келген Тараптың тауар импортына қатысты:
Тармақ 8. Осы бапта ештеңе де Тарапқа көрсетілген қызметтер құнына негізделген және ТСБК 1994 VIII бабының 1-тармағының ережелеріне сәйкес қолданылатын тауардың импортына немесе экспортына қатысты алымдар алуға кедергі келтірмейді.
Тармақ 9. Осы Шарт күшіне енген күні Тарап қолданатын алымның мөлшерімен салыстырғанда алым мөлшерінің ұлғаюына алып келетіндей түрде, егер мұндай өзгеріс көрсетілген қызметтің құны деңгейін толық көрсетуге бағытталмаған болса ғана, көрсетілген қызметтердің құнын ұлғайтпастан, Тарап осы баптың 7-тармағында көзделген алымдарды белгілеу және қолдану тәсілдері мен тәртібін өзгертпейді.
Тармақ 10. Осы Шарт күшіне енген күннен бастап 30 күн ішінде Тараптар осы баптың 8-тармағында көзделген алымдар туралы бір-бірін хабардар етеді.
Тармақ 11. Егер Тарап үшінші елдердің кедендік аумағына арналған тауарлар экспортына қатысты қолданылатын баж мөлшерлемелерімен салыстырғанда басқа Тараптың кедендік аумағына экспорт кезінде экспорттық баждың нөлдік немесе төмендетілген мөлшерлемелерін қолданған жағдайда, осындай басқа Тараптар аталған тауарлардың санкцияланбаған кері экспортына тыйым салады.
Тармақ 12. Тараптар екі жақты уағдаластықтар шеңберінде кері экспортқа тыйым салуды көздемейтін осы баптың 11-тармағында көзделген қатынастарды реттеудің өзге тәсілдері туралы келісе алады.
Тармақ 13. Осы Шарт күшіне енген күннен бастап 30 күн ішінде әрбір Тарап басқа Тарапты үшінші елдерде кедендік баждар алынатын экспортқа қатысты тауарлар туралы, сондай-ақ осындай кедендік баждар мөлшерлемелерінің көлемдері (және мұны қолдануға болатын кезде, мөлшерлемелерді есептеу тетігі) туралы хабардар етеді.
Тармақ 14. Осы баптың 13-тармағында көзделген тауарлар тізіміндегі кез келген өзгерістер, сондай-ақ осы баптың 13-тармағында айтылған кедендік баждар мөлшерлемелерінің көлемін немесе мөлшерлемелерді есептеу тетіктерінің кез келген өзгерістерін, әрбір Тарап осындай өзгерістер күшіне енгенге дейін кемінде 30 күннен кешіктірмей, басқа Тарапқа жазбаша хабарлайды.
Тармақ 15. Тараптар осы Шарттың 1-қосымшасында көрсетілген экспорттық баждарды төмендету және кезең-кезеңмен күшін жою туралы келіссөздер жүргізуге уағдаласты. Осындай келіссөздердің бірінші раунды осы Шарт күшіне енген күннен бастап, алты айдан кешіктірілмей өтеді.