Бап 1 О ратификации Соглашения о сотрудничестве и взаимопомощи в таможенных делах по вопросам деятельности представительств таможенных служб государств-членов Таможенного союза в рамках Евразийского экономического сообщества
Осы Келісімнің мақсаты үшін қолданылатын терминдер мынаны білдіреді:
1) "Тараптардың кеден қызметтері" - Тараптардың кеден ісі саласындағы уәкілеттік берілген мемлекеттік органдары;
2) "Кеден қызметінің өкілдігі" - Тараптың кеден қызметінің басқа Тарап аумағында әрекет ететін уәкілетті ұйымдық бөлімшесі;
3) "Өкілдік қызметкерлері" - Кеден қызметінің өкілдігіне жұмыс істеу үшін жіберілген және осы Келісімнің 3-бабына сәйкес Кеден қызметінің өкілдігіне жүктелген функцияларды орындауға кіріскен адамдар;
4) "Өкілдік қызметкерлерінің отбасы мүшелері" - Өкілдік қызметкерлерінің жұбайлары (зайыптары), балалары, сондай-ақ олармен тұрақты бірге тұратын асырауындағы туыстары.