Бап 24 О ратификации Договора о Евразийской экономической комиссии
Комиссия Алқасының мүшесі міндеттерді бөлуге сәйкес:
1) оның құзыретіне жататын мәселелер бойынша интеграцияны тереңдету жөнінде ұсыныстар дайындауды жүзеге асырады;
2) оның құзыретіне жататын мәселелер бойынша Комиссия Алқасы мен Комиссия Кеңесінің отырыстарында баяндайды;
3) Комиссия жетекшілік ететін департаменттердің қызметін үйлестіреді және бақылайды;
4) оның құзыретіне жататын мәселелер бойынша Комиссия Алқасының шешімдері мен ұсынымдарының жобаларын дайындайды;
5) оның құзыретіне жататын мәселелер бойынша Кеден одағы мен Бірыңғай экономикалық кеңістікті қалыптастыру бойынша халықаралық шарттардың орындалуына мониторингті жүзеге асырады;
6) Тараптардың оның құзыретіне жататын мәселелер бойынша Комиссия шешімдерінің орындалуына мониторинг жүзеге асырады;
7) оның құзыретіне жататын мәселелер бойынша Комиссияға түскен Тараптардың ұсыныстарына жазба түрінде сараптамалық қорытындылардың жобаларын дайындайды;
8) Комиссия Алқасының өкілеттіктері шегінде оның құзыретіне жататын мәселелер бойынша Тараптардың мемлекеттік билік органдарымен өзара іс-қимылды жүзеге асырады, оның ішінде Тараптардың билік органдарынан, заңды және жеке тұлғалардан өз өкілеттіктерін жүзеге асыру үшін қажетті ақпаратты сұратады;
9) Комиссия Кеңесі қабылдайтын халықаралық шарттардың, Комиссия шешімдері мен ұсынымдарының жобаларын, сондай-ақ оның құзыретіне жататын мәселелер бойынша Комиссияның өкілеттіктерін іске асыру үшін қажетті өзге де құжаттарды әзірлеуді қамтамасыз етеді;
10) оның құзыретіне жататын мәселелер бойынша Комиссия Алқасының жанында консультативтік органдар құру туралы ұсыныстарды Комиссия Алқасының қарауына енгізеді.