Бап 28 О ратификации Договора о Евразийской экономической комиссии
Комиссия департаменттері:
1) а) Кеден одағы мен Бірыңғай экономикалық кеңістікті қалыптастыру және жұмыс істеуі мәселелері бойынша материалдар, шешімдер мен ұсынымдар жобаларын дайындау, оның ішінде Комиссия Алқасы мүшелерінің қарауы үшін халықаралық шарттарды жасау және өзгерту бойынша ұсыныстар дайындау;
2) б) нәтижелерді Алқа мүшелерінің қарауына ұсыну үшін Жоғары Еуразиялық экономикалық кеңестің, Комиссия Кеңесі мен Комиссия Алқасының мүшелері қабылдаған шешімдердің орындалуы, Кеден одағы мен Бірыңғай экономикалық кеңістіктің шарттық-құқықтық базасын құрайтын халықаралық шарттар ережелерін Тараптардың сақтауы бойынша мониторингті жүзеге асырады;
3) в) Кеден одағы мен Бірыңғай экономикалық кеңістіктің шарттық- құқықтық базасын реттейтін салалардағы Тараптардың әрқайсысының заңнаманы мониторингтеу және талдау нәтижелері бойынша Алқа мүшелеріне ұсыныстар дайындауды жүзеге асырады;
4) г) Кеден одағы мен Бірыңғай экономикалық кеңістікті қалыптастыру және жұмыс істеуі үшін қажетті халықаралық шарттардың жобалары мен өзге де құжаттарды дайындауды жүзеге асырады;
5) д) Тараптардың мемлекеттік билік органдарымен өзара іс-қимыл жасайды;
6) е) Комиссия бюджетінің жобасын әзірлеу және оны орындау, сондай-ақ оның орындалуы туралы есептердің жобаларын дайындауды жүзеге асырады;
7) ж) Кеден одағы мен Бірыңғай экономикалық кеңістік шеңберінде жасалған халықаралық шарттардың депозитарий функциясын Комиссияның орындауын қамтамасыз етеді;
8) з) Жоғары Еуразиялық экономикалық кеңес шешімі, Комиссия мен Алқа мүшелерінің шешімімен Кеден одағы мен Бірыңғай экономикалық кеңістіктің шарттық-құқықтық базасын қалыптастыратын халықаралық шарттарда айқындалған, оның ішінде олардың жұмыстарын ұйымдастыру және Комиссия қызметін ақпараттық-техникалық қамтамасыз етуге бағытталған өзге де функцияларды, міндеттерді жүзеге асырады.