Тармақ 1. Комиссия Алқасының мүшелері, сондай-ақ Комиссия департаменттерінің қызметкерлері Комиссия Кеңесі белгілеген тәртіп пен мерзімде жыл сайын өз табыстары, мүлкі және мүліктік сипаттағы міндеттемелері туралы, сондай-ақ өз отбасының табысы, мүлкі және мүліктік сипаттағы міндеттемелері туралы мәліметтерді Комиссияға ұсынады.
Тармақ 2. Комиссия Алқасының мүшелері, сондай-ақ Комиссия департаменттерінің қызметкерлері осы бапқа сәйкес ұсынатын табыстар туралы, мүлкі және мүліктік сипаттағы міндеттемелері туралы мәліметтер құпия сипаттағы мәліметтер болып табылады.
Тармақ 3. Комиссия Алқасы мүшелерінің, сондай-ақ Комиссия департаменттері қызметкерлерінің табысы туралы, мүлкі және мүліктік сипаттағы міндеттемелері туралы мәліметтерді жария еткен айыпты тұлғалар әрбір Тараптың заңнамасына сәйкес жауапкершілікке тартылады.
Тармақ 4. Комиссия Алқасы мүшелерінің, Комиссия департаменттері қызметкерлерінің, сондай-ақ олардың отбасы мүшелерінің табысы туралы, мүлкі және мүліктік сипаттағы міндеттемелері туралы мәліметтердің дұрыстығы мен толықтығын тексеру мемлекет басшылары деңгейінде Жоғары Еуразиялық экономикалық кеңес бекіткен тәртіппен жүзеге асырылады.
Тармақ 5. Осы бапта Комиссия Алқасы мүшелерінің, Комиссия департаменттері қызметкерінің жұбайы және кәмелетке толмаған балалары отбасы мүшелері болып табылады.
Тармақ 6. Комиссия Алқасының мүшелері, Комиссия департаменттерінің қызметкерлері Комиссия Алқасы мүшелері мен Комиссия департаменттері қызметкерлерінің жеке мүдделілігінің болуы тұрғысынан туындауы мүмкін мүдделері дауын реттеу немесе болдырмау шараларын қабылдауға міндетті.