«Концессиялар туралы» 2006 жылғы 7 шiлдедегi Қазақстан Республикасының Заңына (Қазақстан Республикасы Парламентiнiң Жаршысы, 2006 ж., № 14, 88-құжат; 2008 ж., № 15-16, 64-құжат; № 21, 97-құжат; 2009 ж., № 24, 133-құжат; 2010 ж., № 7, 29-құжат; 2011 ж., № 1, 2-құжат; 2011 жылғы 29 қарашада «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне уәкілетті органдардың мемлекеттік және бюджеттік жоспарлау жөніндегі құзыретінің аражігін ажырату және бюджет процесін жетілдіру мәселелері бойынша өзгерістер мен толықтырулар енгізу туралы» 2011 жылғы 24 қарашадағы Қазақстан Республикасының Заңы ):
- 1) 2-баптың 1-тармағы мынадай мазмұндағы үшінші бөлікпен толықтырылсын: «Жобалық қаржыландыру қолданылатын концессия осы Заңға сәйкес және «Жобалық қаржыландыру және секьюритилендіру туралы» Қазақстан Республикасының Заңында көзделген талаптар сақтала отырып реттеледі және жүзеге асырылады.»;
- 2) 7-бап мынадай мазмұндағы 5-тармақпен толықтырылсын: «5. Әлеуметтік маңызы бар концессиялық жобалар бойынша тиісті қызмет саласында бюджет қаражаты есебінен көрсетілетін қызметтер көлемдерінің шегінде концессионердің пайдалану шығындарына мемлекет өтемақы беруі мүмкін.»;
- 3) 8-бап мынадай мазмұндағы 4-1) тармақшамен толықтырылсын: «4-1) тиісті қызмет саласында бюджет қаражаты есебінен көрсетілетін қызметтер көлемдерінің шегінде концессионердің пайдалану шығындарын өтеу тәртібін және концессиялық жобаларды әлеуметтік маңызы бар жобалардың санатына жатқызу критерийлерін бекітеді;».