2008 жылғы 4 желтоқсандағы Қазақстан Республикасының Бюджет кодексіне (Қазақстан Республикасы Парламентінің Жаршысы, 2008 ж., № 21, 93-құжат; 2009 ж., № 23, 112-құжат; № 24, 129-құжат; 2010 ж., № 5, 23-құжат; № 7, 29, 32-құжаттар; № 15, 71-құжат; № 24, 146, 149, 150-құжаттар; 2011 ж., № 2, 21, 25-құжаттар; № 4, 37-құжат; № 6, 50-құжат; № 7, 54-құжат; № 11,102-құжат; № 13, 115-құжат; № 15, 125-құжат; № 16, 129-құжат; 2011 жылғы 29 қарашада «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне уәкілетті органдардың мемлекеттік және бюджеттік жоспарлау жөніндегі құзыретінің аражігін ажырату және бюджет процесін жетілдіру мәселелері бойынша өзгерістер мен толықтырулар енгізу туралы» 2011 жылғы 24 қарашадағы Қазақстан Республикасының Заңы ):
- 1) мазмұнында: мынадай мазмұндағы 39-1-баптың тақырыбымен толықтырылсын: «39-1-бап. Нысаналы салым салуға бағытталған бюджеттік бағдарламалар»; 68-баптың тақырыбы «толықтырулар жобаларын» деген сөздерден кейін «, стратегиялық жоспарлар әзірлемейтін бюджеттік бағдарламалар әкімшілерінің бюджеттік бағдарламалары жобаларын» деген сөздермен толықтырылсын; мынадай мазмұндағы 100-1 және 138-1-баптардың тақырыптарымен толықтырылсын: «100-1-бап. Квазимемлекеттік сектор субъектілерінің төлемдері жүргізілуін және ақша аударымдарын тоқтата тұру»; «138-1-бап. Мемлекеттік қаржылық бақылау объектілерінде анықталатын бұзушылықтар сыныптауышы»; 156-1-баптың тақырыбы алып тасталсын;
- 2) 3-баптың 1-тармағында: 11) тармақша «қарыздарды» деген сөзден кейін «жоспарлауға және» деген сөздермен толықтырылсын; мынадай мазмұндағы 11-1) тармақшамен толықтырылсын: «11-1) мемлекеттік қаржылық бақылау объектілерінде анықталатын бұзушылықтар сыныптауышы (бұдан әрі – Бұзушылықтар сыныптауышы) – құқықтың бұзылған нормалары және оларға Қазақстан Республикасының заңдарында белгіленген тиісті жауаптылық түрлері көрсетіле отырып, бұзушылықтар түрлерінің тізбесін және оларды жою тәсілдерін қамтитын құжат;»; 16) тармақшадағы «дербес бiлiм беру ұйымдарын дамыту үшiн құрылтайшының нысаналы салымын салу,» деген сөздер алып тасталсын;
- 3) 4-бапта : 9) тармақша «, сондай-ақ бюджет қаражаты мен мемлекет активтерін Қазақстан Республикасының заңнамасына сәйкес пайдалану» деген сөздермен толықтырылсын; 14) тармақша мынадай редакцияда жазылсын: «14) бюджет қаражатының атаулылық және нысаналы сипаты қағидаты - бюджеттік бағдарламалар әкімшілерінің, квазимемлекеттік сектор субъектілерінің Қазақстан Республикасының заңнамасын сақтай отырып, бюджет қаражатын мемлекеттік органдардың стратегиялық жоспарларымен, квазимемлекеттік сектор субъектілерінің жарғылық капиталына қатысу арқылы салынатын бюджеттік инвестициялардың қаржылық-экономикалық негіздемелерімен көзделген нәтижелер көрсеткіштеріне қол жеткізуге бағыттауы және пайдалануы.»;
- 4) 19-баптың 7-тармағы алып тасталсын;
- 5) 32-баптың 2-тармағы мынадай редакцияда жазылсын: «2. Бюджеттік бағдарламаларды бюджеттік бағдарламалардың әкімшісі әзірлейді және олар мемлекеттік органның стратегиялық жоспарының құрамында бекітіледі. Стратегиялық жоспарлар әзірлемейтін бюджеттік бағдарламалар әкімшілері жоспарлы кезеңге арналған жоспарланатын бюджет қаражатының көлемдері, нәтижелілік және тиімділік көрсеткіштері бар бюджеттік бағдарламаларды бюджеттік жоспарлау жөніндегі орталық уәкілетті орган айқындайтын тәртіппен әзірлейді. Стратегиялық жоспарлар әзірлемейтін республикалық бюджеттік бағдарламалар әкімшілерінің бюджеттік бағдарламаларын бюджеттік бағдарламалар әкімшісінің бірінші басшысы бекітеді. Облыстардың, республикалық маңызы бар қаланың, астананың тексеру комиссияларының бюджеттік бағдарламаларын тиісті тексеру комиссиясының төрағасы бекітеді. Аудан (облыстық маңызы бар қала) бюджетінен қаржыландырылатын, стратегиялық жоспарлар әзірлемейтін бюджеттік бағдарламалар әкімшілерінің бюджеттік бағдарламаларын ауданның (облыстық маңызы бар қаланың) тиісті жергілікті атқарушы органдары бекітеді.»;
- 6) 33-баптың 1-тармағының жетінші абзацындағы «мемлекеттің міндеттемелерін орындауға бағытталған бағдарламалар болып бөлінеді.» деген сөздер «мемлекет міндеттемелерін орындауға;» деген сөздермен ауыстырылып, мынадай мазмұндағы сегізінші абзацпен толықтырылсын: «нысаналы салым салуға бағытталған бағдарламалар болып бөлінеді.»;
- 7) 36-баптың 4) тармақшасындағы «тапшылығын жабуға бағытталады.» деген сөздер «тапшылығын жабуға;» деген сөздермен ауыстырылып, мынадай мазмұндағы 5) тармақшамен толықтырылсын: «5) мемлекеттің әлеуметтік саясатының міндеттерін шешуге бағытталады.» деген сөздермен ауыстырылсын;
- 8) мынадай мазмұндағы 39-1-баппен толықтырылсын: