Бап 53 О воинской службе и статусе военнослужащих

Тармақ 1. Әскери тәртіпті бұзғаны үшін , оның ішінде қызметте болуына байланысты Қазақстан Республикасының заңдарында белгіленген шектеулерді сақтамағаны үшін әскери қызметшіге тәртіптік жазалардың мынадай түрлері қолданылуы мүмкін:

• 1) ескерту;
• 2) сөгіс;
• 3) қатаң сөгіс;
• 4) қызметіне толық сәйкес еместігі туралы ескерту;
• 5) лауазымында бір сатыға төмендету;
• 6) әскери атағын бір сатыға төмендету;
• 7) теріс себептер бойынша әскери қызметтен босату.

Тармақ 2. Осы баптың 1-тармағында көрсетілгендерден басқа, мерзімді әскери қызметтегі әскери қызметшілерге, курсанттар мен кадеттерге қатысты тәртіптік жазалардың мынадай түрлері қолданылады:

• 1) әскери бөлім орналасқан жерден немесе корабльден жағалауға кезекті сейілге шығудан айыру;
• 2) Қарулы Күштердің, басқа да əскерлер мен əскери құралымдардың кеуде айырым белгісінен айыру.

Тармақ 4. Осы Заңның 26-бабы 2-тармағының 1) және 2) тармақшаларында көзделген негіздер бойынша әскери қызметтен шығаруды қоспағанда, теріс себептермен әскери қызметтен шығару әскерге шақыру бойынша әскери қызмет өткеретін әскери қызметшілерге қатысты қолданылмайды.

Тармақ 5. Әскери қызметшілерді тәртіптік жауаптылыққа тарту жалпы әскери жарғыларда белгіленген тәртіппен жүргізіледі.