Бап 8 О Государственной образовательной накопительной системе

Тармақ 1. Салым шартында мынадай мәліметтер қамтылуға тиіс:

• 1) шарттың нысанасы;
• 2) қатысушы банк белгілейтін бастапқы жарна мөлшері;
• 3) шарттың қолданылу мерзімі;
• 4) қатысушы банк сыйақысының мөлшері және оны төлеу тәртібі;
• 5) мемлекет сыйлықақысының осы Заңда белгіленген мөлшері;
• 5-1) Қазақстан Республикасының заңнамасында белгіленген бастапқы білім беру капиталының (бар болса) мөлшері және оны қайтару шарттары;
• 6) тараптардың құқықтары мен міндеттері;
• 7) салымшының операторға банк құпиясын ашуға жазбаша келісімі;
• 8) тараптардың жауаптылығы;
• 9) шартты бұзу талаптары;
• 10) Қазақстан Республикасының заңнамалық актілеріне сәйкес өзге де ережелер.

Тармақ 2. Білім беру жинақтау салымы теңгемен ашылады.

Тармақ 4. Қатысушы банк салым шартын жасасқан кезде білім беру жинақтау салымына қосымша жарналарды салудың ұсынылатын кезеңділігін және олардың мөлшерін есептейді.

Тармақ 5. Салымшының шотына Қазақстан Республикасының банк заңнамасына сәйкес үшінші тұлғалардан жарналар салынуы мүмкін.