Бап 4 О документах, удостоверяющих личность

Тармақ 1. Осы Заңның негізгі мақсаттары мыналар болып табылады:

• 1) жеке басты куәландыратын құжаттар саласындағы қатынастарды реттеу;
• 2) тұратын жеріне қарамастан, Қазақстан Республикасы азаматтарының, Қазақстан Республикасында тұрақты тұратын немесе уақытша болатын шетелдіктер мен азаматтығы жоқ адамдардың жеке басын сәйкестендіруді қамтамасыз ету;
• 3) халықты құжаттандыру жүйесін жетілдіру.

Тармақ 2. Осы Заңның негізгі міндеттері мыналар болып табылады:

• 1) Қазақстан Республикасының халқын құжаттандыру саласындағы процестерді реттеу;
• 2) Қазақстан Республикасы азаматтарының, Қазақстан Республикасында тұрақты тұратын немесе уақытша болатын шетелдіктер мен азаматтығы жоқ адамдардың халықты құжаттандыру саласындағы құқықтарын, бостандықтары мен заңды мүдделерін қорғауды қамтамасыз ету;
• 3) мемлекеттік органдардың халықты құжаттандыру саласындағы іс-шараларды жүзеге асыруы.

Тармақ 3. Осы Заңның негізгі қағидаттары мыналар болып табылады:

• 1) заңдылық;
• 2) міндеттілік;
• 3) адамның және азаматтың құқықтарын, бостандықтары мен заңды мүдделерін сақтау;
• 4) баршаның заң мен сот алдындағы теңдігі;
• 5) шығу тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне байланысты немесе кез келген өзге де мән-жайлар бойынша кемсітушілікке жол бермеу;
• 6) адамның және азаматтың құқықтары мен міндеттерінің біртұтастығы;
• 7) қолжетімділік.