Бап 5 О ратификации Соглашения между Республикой Казахстан и Турецкой Республикой о передаче осужденных лиц. Ақпаратты беру жөніндегі міндеттеме

Тармақ 1. Осы Келісім қолданылатын сотталған адамды үкім шығарушы мемлекет осы Келісімнің мазмұны туралы хабардар етеді.

Тармақ 2. Егер сотталған адам немесе оның заңды өкілі үкім шығарушы мемлекетке осы Келісімге сәйкес беру жөнінде өз қалауы туралы білдірсе, ол мемлекет бұл туралы үкімді орындаушы мемлекетке, егер бұл үкім түпкілікті үкім болса, мүмкіндігінше қысқа мерзімде хабарлайды және бұл мемлекетті осы баптың 3-тармағында көрсетілген ақпаратпен қамтамасыз етеді.

Тармақ 3. Ақпарат мыналарды:

• 1) а) сотталған адамның тегін, атын, әкесінің атын, туған күні мен туған жерін, сондай-ақ жеке деректерін растайтын ақпаратты;
• 2) b) егер болса, үкімді орындаушы мемлекеттегі оның мекенжайын;
• 3) с) сотталған адамның немесе оның заңды өкілінің беру туралы жазбаша өтінішін;
• 4) d) түпкілікті үкімнің және ол негізделген заңның куәландырылған көшірмелерін қамтиды.

Тармақ 4. Егер сотталған адам немесе оның заңды өкілі үкімді орындаушы мемлекетке өзін беру жөніндегі қалауын білдірсе, онда үкім шығарушы мемлекет үкімді орындаушы мемлекеттің өтініші бойынша оған осы баптың 3-тармағында көрсетілген ақпаратты береді.

Тармақ 5. Сотталған адам немесе оның заңды өкілі осы бапқа сәйкес үкім шығарушы мемлекет немесе үкімді орындаушы мемлекет қабылдаған кез келген әрекеттер туралы, осы мемлекеттердің кез келгені беру туралы өтінішке қатысты қабылдаған қандай да бір шешім қабылданғаннан кейін жазбаша хабарландырылады.