Бап 2-1 О реабилитации и банкротстве. Оңалту және банкроттық саласындағы реттеудің мақсаты, міндеттері мен қағидаттары

Тармақ 1. Берешекті қайта құрылымдау рәсімін, оңалту рәсімін жүргізу тәртібін айқындау және борышкерді банкрот деп тану, банкроттық рәсімін қозғамай борышкерді тарату арқылы борышкер мен кредитор мүдделерінің теңгерімін қамтамасыз ету оңалту және банкроттық саласындағы реттеудің мақсаты болып табылады.

Тармақ 2. Оңалту және банкроттық саласындағы реттеу:

• 1) Қазақстан Республикасының заңнамасына сәйкес оңалту рәсімін және банкроттық рәсімін жүзеге асыру кезіндегі заңдылық;
• 2) оңалту рәсімін және банкроттық рәсімін жүзеге асыру кезіндегі әділдік;
• 3) оңалту рәсімін және банкроттық рәсімін жүргізу кезіндегі ашықтық пен адалдық қағидаттарына негізделеді.

Тармақ 3. Оңалту және банкроттық саласындағы реттеудің міндеттері:

• 1) борышкердің және кредиторлардың құқықтарын қорғау;
• 2) кредиторлардың талаптарын барынша қанағаттандыруды қамтамасыз ету;
• 3) Қазақстан Республикасының оңалту және банкроттық туралы заңнамасының сақталуын мемлекеттік бақылауды қамтамасыз ету;
• 4) оңалту және банкроттық саласындағы мемлекеттік реттеу болып табылады.