Бап 28-3 О реабилитации и банкротстве. Берешекті қайта құрылымдау туралы келісім

Тармақ 1. Берешекті қайта құрылымдау рәсімін қолдану туралы сот шешімі заңды күшіне енген күннен бастап екі ай ішінде борышкер барлық кредиторлармен берешекті қайта құрылымдау туралы келісім жасасуға міндетті.

Тармақ 2. Берешекті қайта құрылымдау туралы келісімде келісімнің шарттары, борышкердің кредитор (кредиторлар) алдындағы міндеттемелерін орындау тәртібі, тәсілдері мен мерзімдері туралы ережелер қамтылуға тиіс.

Тармақ 2-1. Егер берешекті қайта құрылымдау туралы келісім жасалған кезде мемлекеттік орган кредиторлардың бірі болып әрекет етсе, берешекті қайта құрылымдау туралы келісім мұндай мемлекеттік орган алдында берешекті бөліп өтеу шарттарымен келісім бекітілген күннен бастап үш жылдан аспайтын мерзімге жасалуы мүмкін.

• 1) тіршілікті қамтамасыз ету объектілері;
• 2) энергияның электр, жылу және өзге де түрлері;
• 3) тыйым салынған мүлік;
• 4) мемлекеттік органдар салған шектеулері бар мүлік;
• 5) үшінші тұлғалардың құқықтарымен ауыртпалық салынған мүлік;
• 6) тез бұзылатын шикізат, тамақ өнімдері кепіл нысанасы болмайды.

Тармақ 3. Берешекті қайта құрылымдау туралы келісімде көзделген құқықтар мен міндеттерді өзіне қабылдайтын үшінші тұлғалардың берешекті қайта құрылымдау туралы келісімге қатысуына рұқсат беріледі.

Тармақ 4. Берешекті қайта құрылымдау туралы келісім:

• 1) борышкер міндеттемелерінің орындалуын кейінге қалдыру және (немесе) мерзімін ұзарту;
• 2) борышкердің талап ету құқықтарын басқаға беру;
• 3) борышты толық немесе ішінара кешіру;
• 4) тұрақсыздық айыбын (өсімпұлдарды, айыппұлдарды) есептен шығару;
• 5) алынған қарыздар бойынша сыйақы мөлшерін азайту;
• 6) кредитордың (кредиторлардың) талаптарын Қазақстан Республикасының заңнамасына қайшы келмейтін өзге де тәсілдермен қанағаттандыру шарттарымен жасалуы мүмкін.

Тармақ 5. Берешекті қайта құрылымдау туралы келісім жазбаша нысанда қазақ және орыс тілдерінде жасалады және оған борышкер – дара кәсіпкер, борышкер – заңды тұлға мүлкінің меншік иесі (ол уәкілеттік берген тұлға), құрылтайшысы (қатысушысы) және әрбір кредитор қол қояды.

• 1) осы Заңның 28-2-бабының 1) тармақшасына сәйкес басталған салдарлардың күші – сот берешекті қайта құрылымдау рәсімін қолдану туралы шешім қабылдаған күннен бастап;
• 2) осы Заңның 28-2-бабының 2) және 3) тармақшаларына сәйкес басталған салдарлардың күші – осы баптың 1-тармағында белгіленген берешекті қайта құрылымдау туралы келісім жасасу мерзімі аяқталған күннен бастап тоқтатылады.