Бап 86 О реабилитации и банкротстве. Соттың банкроттық рәсіміндегі өкiлеттiктерi
Банкроттық рәсімінде соттың мынадай өкiлеттiктерi болады:
1) банкроттық рәсімін қозғайды және тоқтатады;
2) заңды тұлғаларды мемлекеттік тiркеудi жүзеге асыратын органға, уәкілетті органға, жеке сот орындаушыларының палатасына және борышкердің орналасқан жері бойынша аумақтық әділет органына борышкерді банкрот деп тану туралы шешiм шығарылғанын хабарлайды;
3) банкрот жауапкер ретiнде әрекет ететін мүлiктiк сипаттағы даулар бойынша iстердi өзiнiң іс жүргiзуiне қабылдайды;
5) банкроттық рәсіміне қатысушылар арасындағы дауларды шешеді;
6) кредитордың өтініші бойынша әкімшілік шығыстар не банкроттық рәсімін жүргізу мақсаттары үшін алынған қарыз мөлшерінің негізділігін қарайды.