Сұрау салушы Тараптың соты шығарған және сұрау салынатын Тараптың аумағында орындауды талап етпейтін мүліктік емес сипаттағы неке және отбасы мәселелері бойынша заңды күшіне енген қаулылар мен шешімдерді сұрау салынатын Тарап мынадай: i) сұрау салынатын Тараптың соттары сол бір нысана бойынша заңды күшіне енген қаулы мен шешімді бұдан бұрын қабылдаған; ii) сұрау салынатын Тараптың соттары осы Келісімге сәйкес немесе осы Келісімде мұндай ереже қамтылмаса, сұрау салынатын Тараптың ұлттық заңнамасына сәйкес сол бір нысана бойынша айрықша юрисдикцияға ие болатын жағдайларды қоспағанда, таниды.