Бап 10 О гражданской защите

Тармақ 1. Уәкілетті органның білім беру ұйымдары ғылым және жоғары білім саласындағы уәкілетті органмен келісу бойынша уәкілетті орган айқындайтын білім беру бағдарламалары бойынша жоғары және жоғары оқу орнынан кейінгі білімі бар мамандарды даярлау мақсатында, сондай-ақ азаматтық қорғау саласындағы мамандарға қосымша білім беруді ұйымдастыру мақсатында құрылады.

Тармақ 2. Уәкілетті органның білім беру ұйымдарының басты міндеттері:

• 1) азаматтық қорғау саласындағы мамандарды даярлау;
• 2) азаматтық қорғау саласындағы мамандардың кәсіби өсуі және біліктіліктерін арттыру үшін жағдайлар жасау;
• 3) мамандар даярлау бейініне сәйкес қызметті жетілдірудің өзекті проблемалары бойынша ғылыми зерттеулер жүргізу, зерттеулердің алынған нәтижелерін оқу процесі мен практикаға енгізу;
• 4) азаматтық қорғау органдарына қызметке кіретін адамдарды бастапқы кәсіби даярлауды ұйымдастыру және жүзеге асыру болып табылады.