Бап 27 О гражданской защите

Тармақ 1. Құтқарушылар аттестаттауға және қайта аттестаттауға жатады.

Тармақ 2. Құтқарушыларды аттестаттау:

• 1) олардың авариялық-құтқару жұмыстарын орындауға әзірлік дәрежесін;
• 2) құтқарушылардың кәсіби машығына, медициналық даярлығына, дене, психологиялық және моральдық әзірлігіне сәйкестігін айқындау мақсатында өткізіледі.

Тармақ 3. Құтқарушылар бастапқы, қайта, кезеңдік және кезектен тыс аттестаттауға жатады:

• 1) бастапқы аттестаттауға құтқарушы боламын деп шешкен азаматтар жатады;
• 2) қайта аттестаттау құтқарушылар қызметін қайтадан бастау үшін алдыңғы аттестаттауда анықталған барлық кемшіліктер жойылғаннан кейін өткізіледі;
• 3) құтқарушыларды кезеңдік аттестаттау үш жылда бір рет өткізіледі;
• 4) құтқарушыларды кезектен тыс аттестаттау олар орындайтын құтқару жұмыстарының түрі немесе түрлері өзгерген жағдайда өткізіледі.

Тармақ 4. Аттестаттауды уәкілетті орган айқындаған тәртіппен құрылатын аттестаттау комиссиялары өткізеді.