Тармақ 1. Ұлттық және жергілікті спорт федерациялары аккредиттелуге жатады.
Тармақ 2. Аккредиттелген тиісті ұлттық спорт федерациясы жоқ бір спорт түрі бойынша бір ұлттық спорт федерациясы Қазақстан Республикасының аумағында аккредиттелуге жатады.
Тармақ 3. Олимпиадалық және олимпиадалық емес спорт түрлері бойынша аккредиттелген ұлттық спорт федерациясы Қазақстан Республикасы атынан Халықаралық олимпиада комитеті таныған халықаралық спорт федерациясының мүшесі болып табылуға және (немесе) оны Қазақстан Республикасының Ұлттық олимпиада комитеті тануға тиіс.
Тармақ 4. Ұлттық спорт түрлері бойынша аккредиттелген ұлттық спорт федерациясы Қазақстан Республикасы атынан тиісті спорт түрі бойынша халықаралық спорт ұйымының мүшесі болып табылуға тиіс.
Тармақ 5. Паралимпиадалық және паралимпиадалық емес спорт түрлері бойынша аккредиттелген ұлттық спорт федерациясы Қазақстан Республикасы атынан Халықаралық паралимпиада комитеті таныған халықаралық спорт федерациясының мүшесі болып табылуға және (немесе) оны Қазақстан Республикасының Ұлттық паралимпиада комитеті тануға тиіс.
Тармақ 6. Сурдлимпиадалық спорт түрлері бойынша аккредиттелген ұлттық спорт федерациясы Қазақстан Республикасы атынан Саңыраулардың халықаралық спорт комитеті таныған халықаралық спорт ұйымының мүшесі болып табылуға және (немесе) оны Қазақстан Республикасының Ұлттық сурдлимпиада комитеті тануға тиіс.
Тармақ 7. Спорт федерациясы облыстардың, республикалық маңызы бар қалалардың және астананың жартысынан астамының аумағында спорт түрін (түрлерін) дамытқан жағдайда федерация "ұлттық" деген мәртебемен аккредиттеледі.
Тармақ 8. Дене шынықтыру және спорт саласындағы уәкілетті органда аккредитация алған күннен бастап спорт түрі бойынша спорт федерациясына "ұлттық" деген мәртебе беріледі.
Тармақ 9. Аккредиттелген жергілікті спорт федерациясы спорт түрі (түрлері) бойынша аккредиттелген ұлттық спорт федерациясының мүшесі болып табылуға тиіс.
Тармақ 10. Жергілікті атқарушы органда аккредитация алған күннен бастап спорт түрі бойынша спорт федерациясына "жергілікті" деген мәртебе беріледі.