Тармақ 1. Спорт түрлері бойынша Қазақстан Республикасының ұлттық және штаттық ұлттық командалары халықаралық спорттық жарыстарға даярлану және қатысу мақсатында жасақталады және негізгі әрі резервтік құрамдардан тұруы мүмкін.
Тармақ 2. Спорт түрлері бойынша Қазақстан Республикасы ұлттық командаларының құрамы спорт түрлері бойынша Қазақстан Республикасының ұлттық командаларына кандидаттардың тиісті тізіміне енгізілген спортшылар арасынан жасақталады.
Тармақ 3. Спорт түрлері бойынша Қазақстан Республикасының штаттық ұлттық командаларының құрамы спорт түрлері бойынша Қазақстан Республикасы ұлттық командаларының мүшелері арасынан жасақталады.
Тармақ 4. Спорт түрлері бойынша облыстар, республикалық маңызы бар қалалар және астана командаларының құрамы спорт түрлері бойынша облыстар, республикалық маңызы бар қалалар және астана командаларына кандидаттардың тиісті тізіміне енгізілген спортшылар арасынан жасақталады.
Тармақ 5. Спорт түрлері бойынша Қазақстан Республикасы ұлттық және штаттық ұлттық командаларының, облыстар, республикалық маңызы бар қалалар және астана командаларының мүшелерін материалдық-техникалық қамтамасыз ету ғылыми-әдістемелік, медициналық-биологиялық, медициналық және допингке қарсы қамтамасыз етуді, спорттық жарақпен қамтамасыз етуді көздейді.