Бап 32 О физической культуре и спорте

Тармақ 1. Спортшыны тіркеу туралы куәлік оның спорт федерациясында тіркеуден өткенін растайтын құжат болып табылады.

Тармақ 2. Спортшыны тіркеу туралы куәлікте:

• 1) спортшының тегі, аты, әкесінің аты (бар болғанда);
• 2) жынысы;
• 3) туған күні;
• 4) тіркеу нөмірі;
• 5) тіркеу нөмірі берілген күн;
• 6) тіркеуді жүзеге асырған спорт федерациясының атауы;
• 7) спорт түрі;
• 8) спорттық разрядтар, санаттар мен спорттық атақтар беру туралы мәліметтер;
• 9) медициналық қарап-тексеруден өткені туралы мәліметтер;
• 10) спорттық жарыстарда қол жеткізген нәтижелері;
• 11) жарыстан шеттету туралы мәліметтер;
• 12) допинг қолданған жағдайлары туралы мәліметтер;
• 13) мемлекеттік наградалар мен көтермелеудің өзге де нысандары туралы мәліметтер;
• 14) жаттықтырушының тегі, аты, әкесінің аты (бар болғанда);
• 15) таңдалған спорт түрінің ерекшелігіне байланысты өзге де мәліметтер;
• 16) фотосуреті көрсетіледі.

Тармақ 3. Спортшыны тіркеу туралы куәлікті беру және ауыстыру, спорт федерацияларының спортшыны тіркеу туралы мәліметтерді ұсыну тәртібін, сондай-ақ спортшыны тіркеу туралы куәліктің нысанын дене шынықтыру және спорт саласындағы уәкілетті орган бекітеді.