Бап 43-1 О физической культуре и спорте. Ұлттық спорттық медицина және оңалту ұйымы

Ұлттық спорттық медицина және оңалту ұйымы спортшыларды мамандандырылған медициналық көмекпен қамтамасыз ету, сондай-ақ спорттық медицина мен оңалту саласындағы заманауи технологияларды енгізу және тарату мақсатында мемлекеттік кәсіпорын нысанында құрылады.

• 1) Қазақстан Республикасының аумағында өткізілетін спорттық іс-шараларды медициналық қамтамасыз етуді жүзеге асырады;
• 2) спорттық іс-шараларға қатысқан уақытта спорт түрлері бойынша Қазақстан Республикасының ұлттық және штаттық ұлттық командаларының спортшыларын спорт дәрігерлерімен, массаж жасаушылармен және спорттық медицина және оңалту саласындағы өзге де мамандармен қамтамасыз етеді;
• 3) спортшыларды, оның ішінде спорт түрлері бойынша Қазақстан Республикасының ұлттық және штаттық ұлттық командаларының спортшыларын медициналық зерттеп қарауды, кешенді функционалдық тестілеуді жүргізеді;
• 4) спортшыларды жоғары жетістіктер спортымен айналысуға жіберуді жүзеге асырады;
• 5) спорттық медицина және оңалту, емдік дене шынықтыру саласында мамандар даярлауды жүзеге асырады және олардың біліктілігін арттыруды ұйымдастырады;
• 6) спортшыларға консультация беруді, оларды диагностикалауды, емдеуді, оңалтуды және қалпына келтіруді жүзеге асырады;
• 7) спорт түрлері бойынша Қазақстан Республикасының ұлттық және штаттық ұлттық командаларының спортшыларын дәрілік заттармен, биологиялық белсенді қоспалармен, фармакологиялық заттармен қамтамасыз етеді;
• 8) спортшылардың тиімділігін, физикалық тұрғыдан жұмыс қабілетін арттыруға және жылдам қалпына келуіне ықпал ететін диагностикалау және емдеу, алғашқы көмек, оңалту әдістерін әзірлейді, енгізеді және жетілдіреді;
• 9) спорт түрлері бойынша Қазақстан Республикасының ұлттық және штаттық ұлттық командалары спортшыларының дене шынықтыру даярлығын талдау бойынша кешенді ғылыми топтарды, сондай-ақ олардың қызметін бақылауды ұйымдастырады;
• 10) спорттық жарақат алған және ауырған спортшыларды емдеуді және медициналық көмекпен қамтамасыз етуді ұйымдастырады;
• 11) осы Заңға сәйкес өзге де функцияларды орындайды.