Бап 12 Об официальной помощи развитию

Тармақ 1. Дамуға ресми көмек мынадай нысандарда жүзеге асырылады:

• 1) халықаралық гранттар;
• 2) осы Заңда көзделген басым секторларда жаңа объектілерді құру (салу) не қолда бар объектілерді реконструкциялау;
• 3) жеңілдікті шарттардағы кредиттер;
• 4) халықаралық ұйымдарға дамуға ресми көмекке арналған ерікті жарналар;
• 5) әріптес елмен бірлескен қорлар құру;
• 6) техникалық көмек;
• 7) дамуға ресми көмек саласындағы халықаралық шарттар және басқа да міндеттемелер шеңберінде Қазақстан Республикасы қабылдаған өзге де нысандар.

Тармақ 2. Қазақстан Республикасы көрсететін дамуға ресми көмекке:

• 1) әскери мақсаттарға арналған гранттар, қарыздар, кредиттер;
• 2) гуманитарлық көмек;
• 3) жеке тұлғаларға төленетін трансферттік төлемдер (зейнетақылар, өтемақылар, сақтандыру төлемдері);
• 4) қосарлы мақсаттағы тауарлардың жеткізілімдері жатпайды.

Тармақ 3. Жеңілдікті шарттарда кредиттер беруді және әріптес елмен бірлескен қорлар құруды Қазақстан Республикасы Үкіметінің шешімі бойынша Қазақстан Республикасының уәкілетті қаржы институттары жүзеге асырады.

Тармақ 4. Дамуға ресми көмек:

• 1) екіжақты негізде – Қазақстан Республикасы мен әріптес елдің өзара іс-қимылы;
• 2) көпжақты негізде – әріптес донорлардың қатысуымен Қазақстан Республикасы мен әріптес елдің өзара іс-қимылы негізінде іске асырылады.