Тармақ 1. Осы Шарт 2015 жылғы 1 қаңтарда күшіне енген жағдайда, осы Шартқа 1-қосымшада санамаланған халықаралық шарттардың қолданысы сол күннен бастап тоқтатылады, өзге жағдайда бұл шарттардың қолданысы 2015 жылғы 1 қаңтардан бастап тоқтатыла тұрады және осы Шарт күшіне енген күнінен бастап тоқтатылады.
Тармақ 2. Осы Шартқа 2-қосымшада санамаланған халықаралық шарттар олардың қатысушылары арасында өздерінде айтылған, осы Шартқа сәйкес таратылатын ЕурАзЭҚ органдары болмаған кезде орындалатындай бөлігінде қолданыла береді. Көрсетілген шарттардың қатысушылары болып табылатын Еуразиялық экономикалық одаққа мүше мемлекеттер арасындағы қатынастарда осы шарттар 2014 жылғы 29 мамырдағы Еуразиялық экономикалық одақ туралы шартқа қайшы келмейтін бөлігінде қолданылады.
Тармақ 3. Мирасқорлары ЕурАзЭҚ органдары болып табылатын интеграцияны басқару органдарының шешімдері және осы Шартқа 3-қосымшада санамаланған ЕурАзЭҚ органдарының шешімдері, сондай-ақ ЕурАзЭҚ Сотының шешімдері бұрынғы мәртебесінде қолданыла беруін жалғастырады.
Тармақ 4. Тараптар ЕурАзЭҚ-тың қосалқы органдары мен салалық кеңестері жүзеге асырып жатқан салалық ынтымақтастық мүдделі Тараптардың өзара келісуі бойынша өзге де форматтарда жалғасуы мүмкін екендігін негізге алады.
Тармақ 5. Тараптар осы Шартқа 4-қосымшада санамаланған халықаралық шарттардың қатысушысы болмауға ниет білдіреді.
Тармақ 6. Тараптар осы Шартқа 5-қосымшада санамаланған халықаралық шарттардың күшіне енуі үшін қажетті мемлекетішілік рәсімдерді жүргізуді орынды деп таниды.