Тармақ 1. Реттеуші мемлекеттік органдар 2015 жылдың бірінші жартыжылдығына бекіткен мемлекеттік бақылау және қадағалау органдарының жоспарлы тексерулері жеке кәсіпкерлік субъектілері болып табылмайтын тексерілетін субъектілерге қатысты 2015 жылғы 30 маусымға дейін жүргізіледі.
Тармақ 2. Осы Заң қолданысқа енгізілген күннен бастап алты ай ішінде мемлекеттік органдар осы Заңның 1-бабы 97-тармағы 5) тармақшасының он сегізінші, отыз бірінші, отыз тоғызыншы және қырық алтыншы абзацтарында көрсетілген тәуекел дәрежесін бағалау критерийлерін, міндетті ведомстволық есептіліктің, тексеру парақтарының нысандарын әзірлеуге және бекітуге міндетті.
Тармақ 3. Уәкілетті экономикалық операторлар тізіліміне енгізілген уәкілетті экономикалық операторлар осы Заң қолданысқа енгізілген күннен бастап алты ай ішінде өз қызметін осы Заңның талаптарына сәйкес келтіруге тиіс.