Осы Конвенция ешбір жағдайда оның ережелеріне сәйкес келтірілген зиян үшін жауапты тұлғаның кез келген басқа тұлғаға қарсы регресс құқығының бар екендігі туралы мәселені алдын ала шешпейді.
Тармақ 1. Ішінара әуемен және ішінара қандай да бір өзге тасымалдау тәсілімен жүзеге асырылатын аралас тасымалдар жағдайында, егер соңғысы 1-баптың шарттарына сай келсе, осы Конвенцияның ережелері 18-баптың 4-тармағын ескере отырып, тек әуе тасымалына қолданылады. 2. Аралас тасымал жағдайында осы Конвенциядағы ешнәрсе тараптарға осы Конвенцияның ережелері әуе бойынша тасымалдауға қатысты қолданылған жағдайда тасымалдаудың өзге тәсілдерімен тасымалдарға қатысты жағдайларды әуе-тасымалдау құжатына қосуға кедергі болмайды.