Бап 16 О ратификации Договора между Республикой Казахстан и Соединенными Штатами Америки о взаимной правовой помощи по уголовным делам

Тармақ 1. Сұрау салынатын Мемлекет үкім шығара отырып тәркілеу рәсімдеріне; сондай-ақ қылмыстық мінез-құлыққа негізделген, үкім шығарусыз тәркілеу туралы сот ісін жүргізуде; осы іс жүргізу қамауға алу, меншікті алып қою немесе тәркілеумен байланысты болса, олар:

• 1) а) қылмыстан түскен табысты білдірсе не осы табыстың тікелей немесе жанама туындысы болып табылса;
• 2) b) қылмыс жасаудың құралы болып табылса не қылмыс жасауға өзге де жолмен пайдаланылған немесе пайдалануға арналса; немесе
• 3) c) қамауға алу немесе алып қою қаулысының не сот шешімінің немесе тәркілеу қаулысының объектісі болып табылатын немесе болатын осы тармақтың а) тармақшасында сипатталған меншіктің құнына баламалы немесе сәйкес келсе;
• 4) сұрау салуда Сұрау салынатын Мемлекеттің заңнамасы бойынша осындай әрекеттерді негіздейтін жеткілікті ақпараттың қамтылуы жағдайында Сұрау салушы Мемлекетке көмек туралы сұрау салуды орындайды.

Тармақ 2. Осы бапқа сәйкес ұсынылатын көмек:

• 1) а) осы баптың 1-тармағында сипатталған меншікті оқшаулауды, тыйым салуды, алып қоюды немесе тәркілеуді;
• 2) b) егер бұл Сұрау салынатын Мемлекеттің заңнамасына қайшы келмесе, осы баптың 1-тармағында сипатталған меншікті оқшаулау, тыйым салу немесе алып қою қаулыларын; сондай-ақ Сұрау салушы Мемлекеттің сот немесе басқа да құзыретті органдары қабылдаған осыған ұқсас меншікке қатысты тәркілеу туралы түпкілікті қаулыларды немесе сот шешімдерін орындауды; және
• 3) с) осы Шартта сипатталған көмектің кез келген басқа да түрін қамтиды.

Тармақ 3. Осы бапқа сәйкес оқшауланған, тыйым салынған, алып қойылған немесе тәркіленген меншік Сұрау салушы Мемлекетпен консультациялар жүргізусіз иеліктен шығарылуға жатпайды.

Тармақ 4. Сақтауында тәркіленген меншік бар Тарап барлық мүлікті немесе оның бір бөлігін басқа Тарапқа немесе Тараптар арасындағы консультациялардан кейін басқа Тарап көрсеткен көмекке немесе басқа мемлекеттің көмегіне барабар көлемде меншікті тәркілеуге көмек көрсеткен кез келген басқа мемлекетке бере алады. Бұл мақсатқа орай болғанда және тиісті сұрау салу болған кезде меншік қылмыстың салдарынан жәбірленушіге келтірілген залалдың өтемі үшін немесе меншікті өзінің заңды иелеріне қайтару үшін Сұрау салушы Мемлекетке басымдық тәртіппен кері қайтарылады. Тараптар қажет болған жағдайда тәркіленген меншікті берудің шарттары туралы нақты келісімдер жасай алады.

Тармақ 5. Тараптар өздерінің тиісті заңнамалары шеңберінде қылмыстан жәбірленушілерге реституция ұсынуға байланысты сот ісін жүргізу бөлігінде бір-біріне көмек көрсетеді.

Тармақ 6. Сұрау салынатын Мемлекет егер талқылау заты болып табылатын меншіктің құны көмек көрсетуге ақылға қонымды дәрежеде жұмсалуы күтілетін ресурстардан болмашы асып түсетін болса, осы бапқа сәйкес көмек көрсетуден бас тарта алады. Сұрау салынатын Мемлекеттің орталық органы осы тармаққа сәйкес көмек көрсетуден бас тартпас бұрын Сұрау салушы Мемлекеттің орталық органымен консультация жүргізеді.