Осы Келісім белгіленбеген мерзімге жасалады және оның күшіне енуі үшін қажетті мемлекетішілік рәсімдерді Тараптардың орындағаны туралы соңғы жазбаша хабарлама дипломатиялық арналар арқылы алынған күннен бастап 30 (отыз) күн өткен соң күшіне енеді. 2. Осы Келісім күшіне енгеннен кейін Құзыретті органдар қажет болған жағдайда осы Келісімде көрсетілген құжаттардың үлгілерімен алмасады. 3. Тараптардың әрқайсысы 2-бапты қоспағанда, ұлттық қауіпсіздікті, қоғамдық тәртіпті қамтамасыз ету, халықтың денсаулығын сақтау немесе өз мемлекеттерінің өзге де ұлттық мүдделерін қорғау мақсатында екінші Тараптың дипломатиялық арнасы бойынша жазбаша хабарлама арқылы осы Келісімнің әрекетін уақытша толық немесе ішінара тоқтата алады. Осы Келісімнің әрекеті осындай хабарлама алған күннен бастап 30 (отыз) күннен кейін тоқтатылады. Тараптар осы Келісімнің әрекетін тоқтату туралы бір-біріне дипломатиялық арналар бойынша хабарлайды. 4. Тараптардың әрқайсысы дипломатиялық арналар бойынша екінші Тарапқа жазбаша хабарлау арқылы осы Келісімнің әрекетін тоқтата алады. Осы Келісімнің әрекеті осындай хабарламаны алған күннен бастап 60 күн өткеннен кейін тоқтатылады.