Тармақ 1. Осы Шарттың мақсатында Тараптар осы баптың 2-тармағында айқындалған орталық органдар арқылы тікелей адамдарды ұстап беру туралы сұрау салуларды жолдайды және бір-бірімен өзара іс-қимыл жасайды. 2. Қазақстан Республикасы үшін Бас прокуратура орталық орган және Италия Республикасы үшін Әділет министрлігі орталық орган болып табылады. 3. Тараптардың кез келгені көрсетілген орталық органдарды өзгерткен жағдайда, екінші Тарапқа дипломатиялық арналар арқылы мұндай өзгеріс туралы хабарлайды.