Тармақ 1. Үкімет жыл сайын ДДҰ ЕОБ-ның билік етуіне персоналға арналған шығыстар мен МСАК жөніндегі ГҚО-ның бекітілген жоспарын іске асыру үшін қажетті, Дүниежүзілік Денсаулық сақтау ассамблеясының 1981 жылғы мамырда қабылданған WНА34.17 қарарына сәйкес бағдарламаларды қолдауға арналған 13 % шығыстарды қоса алғанда, бағдарламалық шығыстарға ақы төлеу үшін сомасы кемінде 2 000 000 АҚШ долларын ұсынады. Жыл сайынғы жарна кемінде 2 000 000 АҚШ долларын құраған жағдайда, ДДҰ ЕӨБ қаражатты жұмсауды осы Келісімнің 4-бабының 1-тармағына сәйкес жүзеге асыратын болады. Осы тармаққа сәйкес берілетін қаржылық үлес осы Келісімді уақытша қолдану кезеңін де қамтиды.
Тармақ 2. Бұдан басқа, Үкімет МСАК жөніндегі ГҚО-мен байланысты қызметті үйлестіру үшін Копенгагенге ДДҰ Еуропалық өңірлік бюросына іссапарға жіберу шартымен аға буын маманын (Р4 санатындағы немесе одан жоғары) тарту бойынша жауапкершілікті өзіне алады. Қазақстан Республикасы жылына кемінде 279 675 АҚШ доллары сомасында іссапарға жіберумен байланысты барлық шығыстарды төлейді.
Тармақ 3. Персоналға арналған шығыстарды және бағдарламалық шығыстарды жабу үшін Үкімет төлейтін барлық ақшалай қаражат ДДҰ ЕӨБ-ның арнайы банк шотына немесе чекпен АҚШ долларымен аударылады.
Тармақ 4. Үкімет қызметке арналған ақшалай қаражатты бүкіл жыл бойы әр жылдың бірінші тоқсаны ішінде ДДҰ ЕӨБ шотына орналастыруға тиіс.
Тармақ 5. Осы Келісім шеңберінде ДДҰ ЕӨБ міндеттемелерін орындау үшін жоғарыда көрсетілген ережелерге сәйкес қаражатты тұрақты түрде алдын ала алу шарт болып табылады.
Тармақ 6. Үкімет денсаулық сақтау вице-министрі деңгейіндегі аға буынның лауазымды адамын тағайындайды, ол осы Келісім шеңберінде Үкімет міндеттеме алатын әкімшілік және қаржылық аспектілермен байланысты барлық өзара іс-қимылға жауап береді.
Тармақ 7. Үкімет осы Келісім шеңберінде өзінің міндеттемелерін орындамаған жағдайда ДДҰ Үкіметті 6 ай бұрын хабардар етіп, осы Келісімді бұзуға құқылы. Осы Келісімнің тараптары алған міндеттемелер ол бұзылғаннан кейін қызметті тиісінше аяқтау, персоналды атқаратын лауазымынан босату немесе кері шақырып алу, пайдаланылмаған қаражатты және мүлікті қайтару, шоттарға ақы төлеу, қызметкерлер, қосалқы мердігерлер, консультанттар мен өнім берушілер алдындағы барлық шарттық міндеттемелер бойынша есеп айырысу үшін қаншалықты қажет болса, сондай шамада сақталады.