Тармақ 1. Осы Келісім оның күшіне енуіне қажетті рәсімдерді Тараптардың орындағаны туралы соңғы жазбаша хабарлама алынған күннен бастап күшіне енеді және Қазақстан Республикасының қолданыстағы заңнамасына қайшы келмейтін бөлігінде оған қол қойылған күннен бастап уақытша қолданылады.
Тармақ 2. Осы Келісім 10 жыл мерзімге жасалды және, егер ол төменде айтылған тәртіппен бұзылмаса, келесі 10 жылдық кезеңдерге автоматты түрде ұзартылады. Сонымен бірге, кез келген Тарап кез келген уақытта Келісімді бұза алады және бұл жағдайда бір Тараптың осы Келісімнің қолданылуын өзінің тоқтату ниеті туралы екінші Тараптың жазбаша хабарламасын алғаннан кейін 9 айдан соң өзінің қолданылуын тоқтатады.
Тармақ 3. Осы бапқа сәйкес Келісім бұзылған жағдайда, Тараптардың міндеттемелері ол бұзылғаннан кейін қызметті тиісінше аяқтау, персоналды атқаратын лауазымынан босату немесе кері шақырып алу, пайдаланылмаған қаражатты және мүлікті қайтару, шоттарға ақы төлеу, қызметкерлер, қосалқы мердігерлер, консультанттар мен өнім берушілер алдындағы барлық шарттық міндеттемелер бойынша есеп айырысу үшін қаншалықты қажет болса, сондай шамада сақталады.
Тармақ 4. Осы Келісім тараптардың жазбаша келісуі бойынша толықтырылуы немесе өзгертілуі мүмкін. Толықтырулар мен өзгерістер осы Келісімнің ажырамас бөлігі болып табылады, Хаттама түрінде ресімделеді және осы Баптың 1-тармағында көзделген тәртіппен күшіне енеді.
Тармақ 5. Осы Келісім әрқайсысы қазақ, ағылшын және орыс тілдерінде екі данада жасалды, бұл ретте барлық мәтіндер тең түпнұсқалы болып табылады. Осы Келісімнің ережелерін түсіндіру кезінде келіспеушіліктер туындаған жағдайда Тараптар ағылшын тіліндегі мәтінге жүгінетін болады.
Тармақ 2014. жылы 21 мамырда Женева қаласында жасалды.