Бап 6 О ратификации Соглашения между Правительством РК и Всемирной организацией здравоохранения об открытии Географически удаленного офиса Всемирной организации здравоохранения по первичной медико-санитарной помощи в городе Алматы, Республика Казахстан

Тармақ 1. ДДҰ және МСАК жөніндегі ГҚО қандай да болмасын қаржылық бақылаумен, қағидалармен немесе мораториймен шектелмегендіктен мыналарға:

• 1) і. Ақша қаражатына, алтынға және кез келген валютадағы шоттарға иелік етуге және оларды пайдалануға және өз иелігіндегі кез келген валютаны кез келген басқа валютаға айырбастауды жүргізуге.
• 2) іі. Өзінің ақша қаражатын, алтынын немесе валютасын бір елден басқа елге немесе Қазақстан Республикасының шегінде аударуға құқылы.

Тармақ 2. ДДҰ және МСАК жөніндегі ГҚО осы баптың 1-тармағына сәйкес өзінің құқықтарын пайдаланған кезде Үкімет тарапынан болатын кез келген ұсынуларға осындай ұсынуларды өздерінің мүддесіне нұқсан келтірместен қабылдауға болатындай шамада тиісінше көңіл бөледі.

Тармақ 3. МСАК жөніндегі ГҚО, оның активтері, кірісі және басқа да меншігі:

• 1) і. ДДҰ өзінің иммунитетінен бас тартатыны туралы тікелей мәлімдеген нақты жағдайлардан басқа, сот араласуының кез келген нысанынан иммунитетті пайдаланады. Алайда, сот шешімдерін орындау шараларына иммунитеттен ешқандай бас тарту қолданылмайды деп болжануда.
• 2) іі. Тікелей салық салудың кез келген нысанынан босатылады, алайда, ДДҰ іс жүзінде коммуналдық қызмет көрсетуге ақы төлеу ғана болып табылатын салық салудан босатуды талап етпейді деп болжануда.

Тармақ 4. ДДҰ Қазақстан Республикасының аумағында өзінің мақсаттарына қол жеткізу және өзінің функцияларын атқару үшін қаншалықты қажет болса, сондай шамада құқықтық қабілетке және әрекет қабілетіне ие.

Тармақ 5. Үкімет ДДҰ-ның заңды тұлға ретіндегі құқық субъектілігін және оның МСАК жөніндегі ГҚО арқылы келісімшарттар жасасуға, банк шоттарын ашуға, жылжымалы және жылжымайтын мүлікті сатып алуға және оларға билік етуге, сондай-ақ сот ісін жүргізуді қозғауға және оған қатысуға құқықтық қабілеттілігін таниды.

Тармақ 6. МСАК жөніндегі ГҚО-ның қызметтік үй-жайларына және МСАК жөніндегі ГҚО Басшысының резиденциясына қол сұғылмайды. ДДҰ-ның мүлкі, активтері, есеп шоттары және мұрағаты қай жерде және кімнің билігінде болмасын тінтуге, реквизициялауға, тәркілеуге, экспроприацияға, басып алуға және оларға атқарушылық, әкімшілік, сот, сондай-ақ заңнамалық әрекеттермен қандай да бір өзге нысанда араласуға жатпайды.

Тармақ 7. Үкімет және өзге де уәкілетті органдар тиісінше көңіл аудара отырып, МСАК жөніндегі ГҚО-ның, оның лауазымды адамдарының, сондай-ақ іссапардағы сарапшыларының қауіпсіздігін қамтамасыз ету мен қорғалуы жөніндегі және МСАК жөніндегі ГҚО-ның қауіпсіздігі мен қалыпты жұмыс жағдайы сырттан келген адамдар мен адамдар топтарының санкцияланбаған басып кіруі, сондай-ақ оған тікелей жақын жердегі қоғамдық тәртіп бұзушылық салдарынан бұзылмауын қамтамасыз ету жөніндегі барлық қажетті шараларды қолданады.

Тармақ 8. ДДҰ осы Келісімнің ережелеріне нұқсан келтірместен, МСАК жөніндегі ГҚО-ның өздеріне қарсы қылмыстық сот шешімі шығарылған немесе қылмыс жасау кезінде қудаланған немесе өздеріне қатысты құзыретті органдар қамауға алуға ордер немесе экстрадициялау, жер аудару немесе депортациялау туралы қаулы шығарған адамдарды сот төрелігінен қорғау үшін баспана болуына жол бермейді.

Тармақ 9. ДДҰ-ның өкілдігі болып табылатын МСАК жөніндегі ГҚО Қазақстан Республикасының аумағына ресми пайдалануға арналған тауарларды, оның ішінде өздерінің жарияланымдарына, фото түсірілімдеріне, кино- және бейнематериалдарына және дыбыс жазбаларына қатысты олардың электрондық немесе өзге де пішіміне қарамастан, кедендік алымдарды, салықтарды төлеуден босатылып және тарифтік емес реттеу шаралары, тыйым салулар мен шектеу шаралары қолданылмай, әкеле алады және одан әкете алады. Бұл ретте тауарлардың (заттардың) тізбесі кеден ісі саласындағы уәкілетті органға 30 күн бұрын жіберілетін болады деп болжанып отыр. Осындай босату шеңберінде әкелінетін тауарлар (заттар) Қазақстан Республикасының аумағында Үкіметпен келісілген шарттарда болмаса, сатуға жатпайды.

Тармақ 10. ДДҰ әдетте, жылжымалы және жылжымайтын мүлікті сатып алу кезінде сату бағасының бір бөлігін құрайтын акциздерден, баждар мен салықтардан босатуды талап етпесе де, МСАК жөніндегі ГҚО осындай акциздер мен салықтар салынған немесе салынуға жататын мүліктерді қызметтік мақсаттарда елеулі көлемде сатып алған жағдайларда, Үкімет, бұл мүмкін болған жағдайда, Қазақстан Республикасының ұлттық заңнамасына сәйкес акциз немесе салық төлеуден босату немесе төленген соманы қайтару жөнінде тиісті әкімшілік шараларды қолданады.