Тармақ 1. Тараптардың уәкілетті органдары адамдар мен жануарлардың жұқпалы ауыруларының, індеттер мен эпизоотиялардың, сондай-ақ зиянкестердің, өсімдіктер ауруларының және ауыл шаруашылығы мен орман дақылдары арамшөптерінің (оның ішінде карантиндік зиянды организмдердің) енуінің және таралуының алдын-алу үшін санитарлық-індетке қарсы (алдын-алу), ветеринарлық және фитосанитарлық шараларды қабылдайды. Шекаралық аудандарда санитарлық-індеттік, эпизоотиялық жағдай нашарлаған, шекаралық аудандарда адамдар немесе жануарлардың жұқпалы аурулары адамдардың денсаулығына, жануарларға, өсімдіктер мен қоршаған ортаға қауіп төндіретін және шекара арқылы таралуы мүмкін зиянкестер, өсімдіктер ауырулары және ауыл шаруашылығы мен орман дақылдары арамшөптері (оның ішінде карантиндік зиянды организмдер) анықталған кезде Тараптардың уәкілетті органдары бұл туралы бірін-бірі дереу хабардар етеді. 2. Тараптардың уәкілетті органдары қажет болған кезде шекаралық ормандары, су және басқа да табиғи ресурстарды күзету және пайдалану мәселелері, адамдар мен жануарлар ауруларының, сондай-ақ зиянкестердің, өсімдіктер аурулары мен ауыл шаруашылығы мен орман дақылдары арамшөптерінің (оның ішінде карантиндік зиянды организмдердің) алдын-алу проблемалары бойынша консультациялар жүргізеді.