Тармақ 1. Тараптар форс-мажорлық жағдаяттар туғызған жағдайларды қоспағанда, әуе кемелерінің мемлекеттік шекарадан өте отырып, заңсыз ұшуын болдырмау жөнінде шаралар қабылдайды. 2. Мемлекеттік шекара сызығынан 25 километр шектегі өз аумағында аэрофотоға түсіруді және басқа да қашықтықтан зерттеуді жүзеге асыру мақсатында әуе кемелерінің ұшуларын жоспарлап отырған Тарап олар басталғанға дейін 15 күн бұрын екінші Тарапты дипломатиялық арналар арқылы осы Келісімнің 4-қосымшасына сәйкес хабардар етеді. Егер жоғарыда көрсетілген ұшуларды екінші Тарап аумағының үстінен шекарадан өту арқылы жасау қажет болған жағдайда, бір Тарап бұл туралы олар басталғанға дейін 30 күннен кешіктірмей, оның келісімін алу үшін дипломатиялық арналар арқылы екінші Тарапқа осы Келісімнің 5-қосымшасына сәйкес сұрау салады. Екінші Тарап ұшулар басталғанға дейін 10 күннен кешіктірмей жоғарыда көрсетілген сұрауға жауап жібереді.