Тармақ 1. Бір Тарап мемлекеттерінің азаматтары оның елінің уәкілетті органдары жарамды деп жарияланған құжаттар негізінде екінші Тарап мемлекетіне кіріп, шығады және оның нақты жарамдылығының бекітілген мерзімдері шегінде аумағында бола алады. Көрсетілген құжаттар Тараптар мемлекеттерінің ұлттық заңнамалары және Тараптар арасындағы қолданыстағы халықаралық келісім-шарттарға сәйкес айқындалады. 2. Темір жол тасымалдарына қызмет көрсететін персоналдың мемлекеттік шекарадан өтуі және оның шекаралық темір жол станциялары аумағы немесе шекаралас станциялар арасындағы аумақ шегінде болу мәселелері Тараптардың немесе олардың құзыретті ведомстволарының тиісті Келісімдерімен айқындалады. 3. Адамдармен олардың жүктері, жеке заттары және көлік құралдары Тараптар белгілеген өткізу пункттерінде шекарадан өтеді. Әуе кемесінің мемлекеттік шекарадан өтуі Тараптардың уәкілетті органдары белгілеген халықаралық әуе трассалары бойынша жүзеге асырылады.