Тармақ 1. Тараптар Қазақстан Республикасының шекара маңындағы облыстары мен Қытай Халық Республикасының шекара маңындағы автономиялық аудандары арасындағы байланыстар жүйелерін орнатуға ықпал етеді. 2. Қазақстан Республикасының шекара маңы облыстары мен Қытай Халық Республикасының шекаралас автономиялық аудандары шекаралас аудандар арасындағы байланыстар жүйелерін орнатуға ықпал етеді. 3. Тараптар мемлекеттік ұлттық заңнамаларымен анықталған шекаралық ведомстволардың, кедендік органдардың, карантиндік-инспекциялық қызметтер мен басқа да мемлекеттік бақылаушы органдардың тиісті басшылықтары арасындағы қызметтік байланыстарды жүзеге асыруға ынталандырады. 4. Екі елдің шекара маңындағы аудандарының өзара ынтымақтастығының барлық мәселелері Тараптар мемлекеттерінің ұлттық заңнамаларына және Тараптар арасындағы тиісті Келісімдерге сәйкес немесе олардың уәкілетті органдары арқылы шешіледі. 5. Тараптар шекара маңындағы аудандардың әкімшілік бөлінісінің тізбесін осы Келісімнің 6-қосымшасына сәйкес айқындады. Бір Тарап өзінің шекара маңындағы аудандарының әкімшілік бөлінісін қайта қарау себебі бойынша өзгерістер енгізген жағдайда бұл туралы екінші Тарапты уақытылы хабардар етеді.