Мемлекеттердің шекара өкілдері мен Тараптардың уәкілетті органдары алдын алу жөніндегі ынтымақтастықты жүргізеді, сондай-ақ төмендегі шекаралық оқыс оқиғаларды бірлесіп тексерді және шешуді жүзеге асырады: 1) шекаралық объектілердің бүлінуін, орнының ауысуын, бұзылуын немесе шекара белгілерінің жойылуын; 2) шекара арқылы оқ атуды; 3) екінші Тарап мемлекетінің аумағында адам өлтіру, жаралау және басқа да Тараптар мемлекеттері азаматтарының денсаулығына қауіп төндіретін іс-әрекеттерді шекара арқылы немесе шекараны бұза отырып жасауын; 4) адамдармен, малдармен, үй құстарымен және көлік құралдарымен (әуе кемелерімен, автомашиналар және жүзу құралдарымен) және басқа да шекараны бұзуын; 5) шабу, жерді өңдеу, балық аулау, аңға шығу, жеміс-жидек пен дәрілік шөптерді жинау немесе басқа да өндірістік әрекеттермен айналысу үшін заңсыз шекарадан өтуін; 6) жүктерді шекара арқылы заңсыз алып өтуін; 7) екінші Тарап мемлекетінің аумағындағы мүлікті алуын, қарақшылық жасауын, бопсалауын, ұрлауын, зақым келтіруін немесе бүлінуін; 8) шекара арқылы өрттің таралуын; 9) шекара арқылы жұқпалы және паразиттік ауырулар мен зиянкестердің енуі мен таралуын; 10) шекара арқылы заңсыз байланыс жасауын; 11) өзге шекаралық оқыс оқиғаларды.