Тармақ 1. Тараптар мемлекеттерінің шекара өкілдері, олардың орынбасарлары келіссөздер өткізу жолымен бірлескен жұмысты жүзеге асырады. Әдетте, келіссөздер Тараптар мемлекеттерінің аумағында кезектесіп жүргізіледі. Жұмыс келіссөздерінің барлық нәтижелері хаттамалармен ресімделеді. Келіссөздер хаттамалары әрқайсысы қазақ, қытай және орыс тілдерінде екі данада жасалады және Тараптар мемлекеттерінің шекара өкілдерімен қол қойып, мөр басылады. Келіссөздер хаттамалары қабылданған шешім және олардың орындалу мерзімдерін көрсетеді. Тараптар мемлекеттерінің шекара өкілдері қажет болған жағдайда жеке мәселелерді хат жазысып немесе өзге нысан жолымен шешуі мүмкін. 2. Шекара өкілдері көмекшілерінің кездесуі тек қана Тараптар мемлекеттерінің шекара өкілдерінің тапсырмалары бойынша жүргізіледі. Мемлекеттердің шекара өкілдері көмекшілерінің кездесу нәтижелері олардың Тараптар мемлекеттерінің шекара өкілдерімен расталғаннан кейін күшіне енетін актілермен ресімделеді.