Тармақ 1. Шекаралық оқыс оқиғаларды реттеу мақсатында мемлекеттердің шекара өкілдері, олардың орынбасарлары мен көмекшілері келісім бойынша бірлесіп тексеру жүргізуі мүмкін. Қажет жағдайда оларға сарапшылар, куәгерлер және жәбірленушілер қатысуы ықтимал. Тексеру нәтижелері бойынша бірлескен хаттама немесе қажет болған кезде өзге де құжаттар жасалады. Мемлекеттердің шекара өкілдері осы құжаттардың үлгісін бірлесіп анықтайды. 2. Егер бірлескен тексеру үдерісінде Тараптар мемлекеттерінің шекара өкілдері шекаралық оқыс оқиға себептеріне, салдарына қатысты бірыңғай пікірге келмесе, онда бұл хаттамада немесе тиісті құжаттарда көрсетіледі.