Тармақ 1. Жекеше әріптес, қажет болған кезде, мемлекеттік-жекешелік әріптестік шартында белгіленген тәртіппен мемлекеттік-жекешелік әріптестік жобасының бір немесе бірнеше операторын айқындауға құқылы.
Тармақ 2. Институционалдық мемлекеттік-жекешелік әріптестікті іске асыру кезінде мемлекеттік-жекешелік әріптестік жобасының операторын мемлекеттік-жекешелік әріптестік компаниясы айқындайды.
Тармақ 3. Мемлекеттік-жекешелік әріптестік объектісін нысаналы мақсатына сәйкес пайдалануды (функционалдық пайдалану) мемлекеттік-жекешелік әріптестік шартының тарапы болып табылатын немесе мемлекеттік-жекешелік әріптестік шартында айқындалған тәртіппен және талаптарда мемлекеттік әріптес, жекеше әріптес және оператор арасында жасалған пайдалану шарты негізінде әрекет ететін оператор жүзеге асыра алады.