Бап 31 О государственно-частном партнерстве

Тармақ 1. Жекеше әріптесті айқындау мынадай тәсілдермен жүзеге асырылады:

• 1) конкурс;
• 2) тікелей келіссөздер;
• 3) аукцион.

Тармақ 2. Жекеше әріптесті айқындау жөніндегі конкурс ашық немесе жабық болуы мүмкін.

Тармақ 3. Осы Заңда көзделген жағдайларда және тәртіппен жекеше әріптесті айқындау жөніндегі конкурс бір кезеңдік немесе екі кезеңдік рәсім пайдаланылып өткізілуі мүмкін.

Тармақ 4. Жекеше әріптесті айқындау жөніндегі конкурс аукцион нысанында өткізілуі мүмкін. Осы Заңда конкурсты реттеу бөлігінде көзделген ережелер, егер осы Заңда өзгеше көзделмесе, тең дәрежеде аукционға қолданылады.

Тармақ 5. Егер салаларды (аяны) дамыту тұжырымдамалары, ұлттық жобалар шеңберінде жоспарланатын мемлекеттік-жекешелік әріптестік жобаларында:

• 1) мемлекеттік-жекешелік әріптестік жобаларының базалық параметрлері, оның ішінде мақсаттары мен міндеттері, бюджет қаражаты есебінен болжанатын төлемдер, мемлекеттік қолдау шаралары;
• 2) экономиканың жекелеген салалары (аясы) бойынша жекеше әріптесті айқындаудың және мемлекеттік-жекешелік әріптестік шартын жасасудың өзгеше тәртібін қолдануға нұсқау көзделсе, оларға осы баптың ережелері қолданылмайды.
• 3) Осы тармаққа сәйкес жоспарланатын мемлекеттік-жекешелік әріптестік жобалары бойынша жекеше әріптесті айқындау үлгілік конкурстық құжаттама пайдаланыла отырып, тиісті саланың орталық атқарушы органы бюджет саясаты жөніндегі орталық уәкілетті органмен келісу бойынша бекіткен қағидаларға сәйкес жүзеге асырылады.