Бап 11 Об общественных советах

Тармақ 1. Отырыс Қоғамдық кеңестің жоғары органы болып табылады.

Тармақ 2. Қоғамдық кеңестің қызметіне басшылықты жедел жүзеге асыру үшін оның отырыстарының арасындағы кезеңде Қоғамдық кеңес төралқасы сайланады. Қоғамдық кеңес төралқасының құрамына Қоғамдық кеңестің төрағасы, өзінің қатысуымен Қоғамдық кеңес құрылған мемлекеттік органның, квазимемлекеттік сектор субъектісінің уәкілетті өкілі, Қоғамдық кеңес комиссияларының төрағалары, жекелеген мүшелері кіреді.

Тармақ 3. Қоғамдық кеңес төралқасының отырыстарына Қазақстан Республикасы Парламентінің осы Қоғамдық кеңестің мүшелері болып табылмайтын депутаттары қатыса алады.

Тармақ 4. Қоғамдық кеңестің төралқасы:

• 1) Қоғамдық кеңес комиссияларының жұмысын үйлестіреді;
• 2) Қоғамдық кеңестің отырыстарын өткізуге дайындықты ұйымдастырады;
• 3) Қоғамдық кеңестің қызметін ұйымдастырушылық және ақпараттық қолдауды қамтамасыз етеді;
• 4) Қоғамдық кеңес ұсынымдарының орындалуына мониторингті жүзеге асырады.