Сұрау салынатын Тарап, егер: a) сұрау салуды орындау оның ұлттық заңнамасына немесе осы Шарттың ережелеріне қайшы келсе; b) сұрау салу келіп түскен қылмыс Сұрау салушы Тарапта Сұрау салынатын Тараптың ұлттық заңнамасында тыйым салынған жаза түрімен жазаланса; c) сұрау салу адамның діни сенімі, жынысы, сексуалдық бағдары, нәсілі, ұлты немесе саяси көзқарасы себептері бойынша қылмыстық қудалау, жазалау немесе оған қарсы басқа да әрекет түрлеріне жәрдемдесу мақсатында жолданған немесе осы адамның жағдайына осы себептердің кез келгені бойынша нұқсан келтірілуі мүмкін деп ұйғаруға елеулі негіздер болса; d) көмек көрсету туралы сұрау салу адам Сұрау салынатын Тарапта сотталған, ақталған немесе рақымшылық жасалған немесе егер қылмыс Сұрау салынатын Тараптың юрисдикциясы шеңберінде жасалып, ескіру мерзімдерінің өту себебі бойынша адам қудаланбайтын қылмысы үшін адамды қылмыстық қудалауға қатысты болса; e) сұрау салуды орындау Сұрау салынатын Тараптың егемендігіне, қауіпсіздігіне, қоғамдық тәртібіне немесе өзге де елеулі мүдделеріне қауіп төндіретін болса не оның ұлттық заңнамасының іргелі қағидаттарына қайшылықтардың туындауына себеп болса; f) көмек көрсету туралы сұрау салу жалпы қолданылатын әдеттегі қылмыстық заңнамаға сәйкес қылмыс болып табылмайтын әскери қылмысқа жататын болса; g) көмек көрсету туралы сұрау салу саяси сипаттағы құқық бұзушылық ретінде қаралып жатқан қылмысты жасағаны үшін адамды айыптаумен байланысты болса; h) көмек көрсету туралы сұрау салу Сұрау салынатын Тараптың ұлттық заңнамасында көзделмеген тікелей салыққа қатысты салықтық қылмысқа жататын болса; і) көмек көрсету туралы сұрау салу, егер осы іс-әрекеттер Сұрау салынатын Тараппен оның аумағы юрисдикциясында жасалып, қылмыс ретінде қаралмайтын іс-әрекеттер үшін адамды айыптаумен байланысты болса; j) көмек көрсету туралы сұрау салу Сұрау салушы Тараптан тыс жерде жасалған және Сұрау салынатын Тараптың заңнамасы оның аумағынан тыс жерде осындай мән-жайларда жасалған қылмыс үшін қылмыстық жауапкершілікті көздемейтін қылмыс үшін адамды айыптаумен байланысты болса; k) сұратылған көмекті орындау Сұрау салынатын Тараптың аумағындағы тергеуді немесе сот талқылауын қиындататын болса, қандай да бір адамның қауіпсіздігіне нұқсан келтіретін болса немесе осы Тарап үшін арнайы алымдарды талап етсе, сұратылатын құқықтық көмекті көрсетуден толық не ішінара бас тарта алады. 2. Сұрау салынатын Тарап, егер сұрау салуды орындау оның аумағында жүргізіліп жатқан қылмыстық талқылауға кедергі болатын болса, оны кейінге қалдыра алады. 3. Сұрау салынатын Тарап сұрау салуды орындаудан бас тартудан немесе оны орындауды кейінге қалдырудан бұрын құқықтық көмекті белгілі бір шарттарда көрсету мүмкіндігі туралы мәселені қарауға құқылы. Бұл мақсатта Тараптардың осы Шарттың 4-бабына сәйкес айқындалған орталық органдары өзара консультациялар жүргізеді және Сұрау салушы Тарап келіскен жағдайда құқықтық көмек оған белгілі бір шарттарда келісілген тәртіппен көрсетіледі. 4. Сұрау салынатын Тарап құқықтық көмек көрсетуден бас тартқанда немесе оны кейінге қалдырғанда, ол Сұрау салушы Тарапты мұндай бас тарту немесе кейінге қалдыру себептері туралы жазбаша түрде дереу хабардар етеді.