Тармақ 1. Деректерді өңдеу орталығы жеке тұрған ғимаратта және (немесе) құрылысжайда немесе ғимараттың, құрылысжайдың арнайы жабдықталған бөлігінде орналасуға тиіс.
Тармақ 2. Деректерді өңдеу орталығының істен шығуға төзімді және іркіліссіз жұмыс істеуін қамтамасыз ететін инженерлік инфрақұрылымы болуға тиіс.
Тармақ 3. Деректерді өңдеу орталығының қызметін ұйымдастыру Қазақстан Республикасының Ұлттық қауіпсіздік комитетімен келісу бойынша уәкілетті орган айқындайтын тәртіпке сәйкес жүзеге асырылады.
Тармақ 4. Деректерді өңдеу орталықтары Қазақстан Республикасының Ұлттық қауіпсіздік комитетімен келісу бойынша уәкілетті орган айқындайтын тәртіппен халықаралық немесе ұлттық техникалық аудиттен өте алады.