Тармақ 1. "Электрондық үкіметтің" ақпараттандыру объектісін одан әрі пайдалану қажеттігінің болмауы ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға сәйкес өнеркәсіптік пайдалануды тоқтатуға және "электрондық үкіметтің" архитектуралық порталында "электрондық үкіметтің" ақпараттандыру объектісі туралы мәліметтерді өзгертуге әкеп соғады.
Тармақ 2. "Электрондық үкіметтің" ақпараттандыру объектісін одан әрі пайдалану қажеттігінің болмауы туралы шешімді электрондық үкіметтің" ақпараттандыру объектісі интеграцияланған "электрондық үкіметтің" ақпараттандыру объектілерінің меншік иелерін және (немесе) иеленушілерін, сондай-ақ операторды және мемлекеттік техникалық қызметті пайдаланудың тоқтатылу тәртібі мен мерзімдері туралы хабардар ете отырып, меншік иесі немесе иеленуші қабылдайды.
Тармақ 3. Есептен шығарылатын "электрондық үкіметтің" ақпараттандыру объектісінің электрондық ақпараттық ресурстары, техникалық құжаттамасы және бастапқы кодтары Қазақстан Республикасының заңнамасына сәйкес архивке тапсырылуға жатады.