Тармақ 1. Аукцион тәсілімен мемлекеттік сатып алу нақты уақыт режимiнде мемлекеттiк сатып алу веб-порталында жүзеге асырылады, оның өткізілуін мемлекеттiк сатып алу саласындағы бірыңғай оператор қамтамасыз етеді.
Тармақ 2. Аукцион бір лотқа өткізіледі, бұл ретте тауар аукцион нысанасы болып табылады.
Тармақ 3. Аукцион тәсілімен мемлекеттік сатып алуды жүзеге асырған кезде уәкілетті орган бекіткен тізбе бойынша тауарларды сатып алуды қоспағанда, мемлекеттік сатып алуды ұйымдастырушы аукциондық құжаттамада тауарларды олардың біртекті түрлері және оларды беру орны бойынша лоттарға бөлуге міндетті.
Тармақ 4. Аукцион тәсілімен мемлекеттік сатып алу мынадай ретпен жүзеге асырылады:
Тармақ 5. Аукциондық құжаттамаға, алдын ала талқылауға, аукцион тәсілімен мемлекеттік сатып алуды жүзеге асыру туралы хабархатқа, аукционға қатысуға арналған өтінімге, оны қамтамасыз етуге қойылатын талаптар осы бапта белгіленген ерекшеліктер ескеріле отырып, осы Заңның 21-бабының 1, 2, 3 және 5-тармақтарына, 22, 22-1, 23, 24 және 25-баптарына сәйкес айқындалады.