Бап 1 О пробации

Тармақ 1. Пробация – санаттары заңмен айқындалған адамдардың қылмыстық құқық бұзушылықтар жасауының алдын алу үшін олардың мінез-құлқын түзеуге бағытталған бақылау және әлеуметтік-құқықтық сипаттағы қызмет түрлері мен жеке айқындалатын шаралар жүйесі.

Тармақ 2. Пробацияның мақсаты:

• 1) күдіктінің, айыпталушының мінез-құлқын түзеу;
• 2) сотталған адамды әлеуметке қосу;
• 3) қылмыстық-атқару (пенитенциарлық) жүйесінің мекемесінен босатылған адамды әлеуметтік бейімдеу және оңалту арқылы қоғамның қауіпсіздігін қамтамасыз етуге жәрдемдесу болып табылады.

Тармақ 3. Көрсетілген мақсатқа сәйкес мыналар пробацияның міндеттері болып табылады:

• 1) өздеріне қатысты пробация қолданылатын адамдарға әлеуметтік-құқықтық көмек көрсету;
• 2) бас бостандығынан айырумен байланысты емес жазалардың заңмен айқындалған түрлерін орындау;
• 3) өздеріне қатысты сот пробациялық бақылау белгілеген сотталғандарға пробациялық бақылауды жүзеге асыру;
• 4) қылмыстық-атқару (пенитенциарлық) жүйесі мекемесінде жазасын өтеп жатқан сотталған адамды босатуға дайындау.