Әрбір Уағдаласушы Мемлекет осы Хаттаманың күшіне енуі жөніндегі мемлекетішілік рәсімдердің аяқталғаны туралы дипломатиялық арналар арқылы екіншісін хабардар етеді. Конвенцияның ажырамас бөлігі болып табылатын бұл Хаттама осы хабарламалардың соңғысы алынған күннен бастап күшіне енеді және оның ережелері: a) төлем көзінен ұсталатын салықтарға қатысты, осы Хаттама күшіне енген жылдан кейінгі күнтізбелік жылдың бірінші қаңтарынан бастап немесе одан кейін төленген немесе есепке алынған табыстан алынатын салықтарға; b) басқа салықтарға қатысты, осы Хаттама күшіне енген жылдан кейінгі күнтізбелік жылдың бірінші қаңтарынан немесе одан кейін басталатын салық салынатын кезең үшін алынатын салықтарға; c) Хаттаманың 13-бабына қатысты, Хаттама күшіне енген күннен бастап немесе одан кейін жіберілетін сұрау салуларға қолданылады.
Тармақ 2014. жылғы 24 қарашада Астана қаласында қазақ, чех, ағылшын және орыс тілдерінде екі данада жасалды әрі барлық мәтіндердің күші бірдей. Алшақтықтар туындаған жағдайда ағылшын тіліндегі мәтін айқындаушы болып табылады.