Қазақстан тарапы әскери мүлікті Қазақстан Республикасының аумағынан Қырғыз Республикасының аумағына (Қой-Таш елді мекені) дейін автомобиль көлігімен жеткізуді қамтамасыз етеді, онда Тараптардың уәкілетті органдары тағайындаған өкілдер актіні ресімдей отырып, әскери мүлікті қабылдау-беруді жүргізеді. Қой-Таш елді мекеніне дейінгі көлік шығыстарын Қазақстан тарапы төлейді. Қазақстан Республикасында берілетін мүлікті кедендік тазарту және декларациялау Кеден одағының заңнамасына сәйкес жүзеге асырылады. Қырғыз тарапы өз мемлекетінің аумағында кедендік рәсімдерді ресімдеу шығыстарын өзі көтереді және оған жауапты болады.