Бап 7 О ратификации Соглашения между Правительством РК и Правительством Республики Австрия о международных автомобильных перевозках грузов

Тармақ 1. Осы Келісімнің 6-бабында көзделген жағдайларды қоспағанда, рұқсат әрбір автокөлік құралы үшін берілуі тиіс.

Тармақ 2. Рұқсат мынадай ақпаратты:

• 1) а) тасымалдаушының атауы мен мекенжайын;
• 2) b) жүк көлік құралының мемлекеттік тіркеу нөмірін;
• 3) с) жүк көлік құралының пайдалы жүктемесінің рұқсат етілген ең жоғары массасы мен рұқсат етілген ең жоғары толық салмағын;
• 4) d) тасымалдау түрін (жалға және сыйақы үшін тасымалдау, өз есебінен тасымалдау, бос жол жүру);
• 5) е) егер орын алса, пайдаланудың айрықша талаптары мен шарттарын;
• 6) f) қолданылу мерзімін қамтуы тиіс.

Тармақ 3. Рұқсат кімнің атына берілсе, оны сол тасымалдаушы ғана пайдаланады және оны басқаға беруге болмайды.

Тармақ 4. Рұқсаттар бланкілерін бір Тарап мемлекетінің құзыретті органдары екінші Тарап мемлекетінің құзыретті органдарына жібереді, олар осы баптың 2-тармағының b), с) және d) тармақшаларында көрсетілген ақпаратты қоспағанда, оларды толтырады және тиісті тасымалдаушыларға береді. Осы баптың 2-тармағының b), с) және d) тармақшаларына сәйкес ақпаратты тасымалдаушы жол жүру басталғанға дейін толтырады.

Тармақ 5. Толтырылған рұқсат бүкіл жол жүру барысында жүк көлік құралының бортында болуы тиіс және талап ету бойынша бақылаушы ресми тұлғаларға ұсынылуы тиіс.

Тармақ 6. Осы Келісімнің 12-бабына сәйкес құрылған Бірлескен комиссия осы баптың 2-тармағының ережелерін назарға ала отырып, рұқсаттар берілетін нысан мен тілдерді белгілейді.